- 0 likes
- 639 views
Que a xenebra é unha das bebidas máis versatis á hora de elaborar cocteis de todo tipo non é ningunha novidade. Con todo, quizais che sorprenderá saber que é unha aliada perfecta tamén cando se trata de cociñar. En concreto, parécenos un ingrediente fundamental á hora de flamexar, macerar e cociñar. E contámosche os motivos.
No primeiro dos casos, a xenebra achega un toque diferente aos flamexados. Mediante esta técnica, no momento no que se está cociñando engádese aos alimentos un pouco do licor. A continuación, quéimase con lume para que o alcol se evapore e a comida se impregne suavemente do sabor e o aroma do destilado. Ao apostar por xenebra, comprobarás que as túas receitas flamexadas destacan pola súa frescura.
Pola súa banda, no caso dos macerados introdúcense os alimentos nunha serie de ingredientes líquidos durante un tempo, que pode ir desde uns minutos a varias horas. Neste caso, ao optar por xenebra de novo o resultado sorprende por un sabor moi distinto e totalmente fresco.
Pero ademais destas técnicas concretas, se probas a xenebra na cociña verás que este licor se adapta facilmente a moitas receitas. De entre todas elas, a nós encántanos engadir a nosa M54 London Gin a masas de pasteis e biscoitos. O resultado é espectacular!