A xenebra, unha bebida cunha historia fascinante

A xenebra é moito máis que a base dun bo gin tonic: ten historia, anécdotas sorprendentes e un carácter que varía segundo os botánicos e procesos de elaboración. Entre todas as súas versións, a London Gin destaca como o estilo máis recoñecido e regulado. E dentro deste mundo, a nosa Xenebra M54 achega un selo artesanal con identidade propia. Aínda que hoxe a asociamos a Londres, a xenebra ten raíces holandesas. No século XVII elaborábase alí un destilado chamado jenever, moi popular entre soldados ingleses que o levaron á casa trala guerra. Co tempo, evolucionou ata converterse na London Dry Gin que coñecemos. O termo “London Dry” non significa que deba producirse en Londres, senón que fai referencia a un estilo de produción regulado. Para levar este nome, a xenebra debe cumprir con requisitos como o uso de alcol de calidade e botánicos naturais, a destilación co enebro como protagonista e a prohibición de engadir colorantes ou edulcorantes tras a destilación. Así, o concepto London Dry fala máis de pureza e autenticidade que de xeografía. Por lei, o enebro (Juniperus communis) debe ser o botánico principal en calquera xenebra, pero o que fai única a cada destilado é a combinación de herbas, especias e froitas que o acompañan. No caso da Xenebra M54, falamos dun carácter artesanal con alma galega. Elabórase mediante tripla destilación de alcol de cereal para lograr a máxima pureza e un proceso de maceración e infusión que permite capturar tanto aromas como sabores. A súa singularidade radica na fusión de botánicos autóctonos e exóticos: desde milenrama, menta, xarxa, romeu ou llantén colleitados na Ulloa, ata cardamomo, xenxibre, canela e limón, que achegan frescura e exotismo. O resultado é unha xenebra fresca, complexa e con moita personalidade. Orixes Nas súas orixes, a xenebra usábase como remedio medicinal, pois o enebro asociábase a propiedades dixestivas e depurativas. Co tempo pasou da botica á taberna, converténdose nunha bebida popular en toda Europa. No século XVIII chegou a vivir un episodio polémico en Inglaterra coñecido como o “Gin Craze”, cando o consumo se disparou tanto que o Parlamento tivo que intervir para regular a súa produción e venda. Anos máis tarde, na India colonial, os oficiais británicos mesturaban quinina —amarga e utilizada contra a malaria— con azucre, auga con gas e xenebra. Así naceu o gin tonic, unha mestura pensada orixinalmente como medicina que terminou por converterse nun dos combinados máis soados do mundo. A Xenebra M54, cos seus 42º de gradación, achega corpo e elegancia sen perder suavidade. En nariz ofrece notas herbáceas, florais e cítricas cun perfume delicado, mentres que en boca resulta sedosa, equilibrada e envolvente. É perfecta para degustar soa, con xeo ou como base de cócteis clásicos. En definitiva, a London Dry Gin é un destilado cargado de historia e curiosidades, pero cada versión ten o seu selo único. No caso da M54, ese selo constrúese a partir da tradición artesanal, a forza dos botánicos locais de Galicia e o toque exótico de especias que lle confiren un carácter propio. Unha xenebra con raíces e con alma que convida a redescubrir esta bebida en cada copa.