Xenebra London Gin M54: tradición artesanal desde Galicia

En Casa Mejuto elaboramos licores artesáns galegos respectando a tradición e a experiencia na arte da destilación. A nosa Xenebra London Gin M54 é un claro exemplo dese compromiso coa calidade, a autenticidade e o carácter propio dos destilados feitos en Galicia.

Destilada en alambique de cobre, a London Gin M54 segue o método clásico de elaboración das auténticas London Gin, combinando técnicas tradicionais co saber facer artesanal que define a nosa casa.

Unha auténtica London Gin elaborada en Galicia

A Xenebra M54 parte dun alcohol de cereal de tripla destilación, que achega pureza e suavidade. Posteriormente realízase un proceso de maceración e infusionado cunha coidada selección de botánicos, que dan lugar a unha xenebra equilibrada, aromática e con gran personalidade.

Entre os seus botánicos destacan ingredientes de orixe local como a milenrama, a menta, a salvia, o romeu e o llantén, que evocan os aromas naturais de Galicia e conectan esta xenebra coa contorna da Ulloa. A eles súmanse especias como o cardamomo, o xenxibre e a canela, xunto co toque fresco do limón, que realza o seu perfil aromático e achega unha nota cítrica e afroitada.

Con esta combinación buscamos converter a M54 nunha referencia clara cando se fala de xenebra London Gin en Galicia.

Perfil aromático e de sabor

A Xenebra London Gin M54 caracterízase por:

• Un aroma no que o enebro é protagonista.

• Notas herbáceas, florais, afroitadas e cítricas perfectamente integradas.

• Un paso por boca limpo, sedoso e envolvente, cun final perfumado e equilibrado.

Cunha graduación de 42º, é unha xenebra con carácter, ideal tanto para gozar soa como en combinados e cócteles clásicos, onde a súa personalidade non pasa desapercibida.